كام سؤال حاولت اسأله
و لاقيتنى مش عارف اكمله
لاقيت الخوف مش من سؤال
الخوف من حلم صعب المنال
في الاول تقعد تحاول معاه
مهما يبعد بتروح وراه
وكل شويه الوقت يعدي
تلاقيه بيصغر جواك
مش عارف ايه اللي هيدي
للحلم طاقه تخليه معاك
فجأه تلاقيه بيهرب
وتحقيقه بيصعب ويصعب
حاول مره تسأل نفسك
فين الحلم وحاول تلاقيه
دور مره جوه قلبك
شوف هتسأل قلبك ايه
لو عرفت تسأل اسأل
و الحلم في الجواب هتلاقيه
3 comments:
يا خبر ابيض !!!!!!!!! هي الامتحنات بتعمل كدة؟؟؟؟؟؟؟؟
بجد انت المرة دي فعلا تفوقت على نفسك ,كلام جميل جدا جدا بجد ,عاجبني اوي اسلوب الحوار اللي بيوصل او بيحاول يوصل لحل ,جميل اوي ماشاء الله.
بس انا عندي رأي: انت بتقول:
مش عارف ايه اللي هيدي
الحلم طاقة تخليه معاك
عارف ايه؟ انت رديت على نفسك لما قلت:
فجاءه تلاقيه بيهرب
و تحفيقه بيصعب و يصعب
فهمت قصدي؟
يعني الحرص على ان الحلم بتاعك ما يروحش منك ,الخوف انه يهرب زي ما بتقول و ما تعرفش تحققه,لازم يكون الخوف ده ايجابي و هو ده اللي يديلك طاقة انك تحافظ عليه و تجري و راه و تحاول بكل ما فيك انك تحققه,هاتقع احيانا بس لازم تقوم لان ده حلمك وما ينفعش تتخلى عنه قدام اول وقعة او اي وقعة.لازم تكافح و تشد على نفسك لحد ما توصل,وقبل كل ده الاستعانة بالله على تحقيق الحلم و هو ده فعلا اللي هايديلك كل الطاقة اللي انت عايزها.
كفاية كدة زمان دماغك ورمت المهم تكون فهمتني. ربنا معاك
ولا زمان يا حج بودا.. طولت الغيبة المرة دي.. بس رجعت جامد قوي..
من أحلى ما كتبت يا شيخ..
بجد ما شاء الله..
ماتسيبش الحلم أبدا.. مهما بعد و مهما صغر.
23za2y elmoshahdeen
yos3edany w yosharefany
an tkooon klmaty almotwade3a
nalt redakom
w atamana an tkoon 7afz lakom
llta3'yeer-ll27sntab3n-w2tmana
2n tothabtna gamee3an fee ta7keek 27lamna
w shokr 5as ldy ellel mo5rg elbrnamg{wlwn kan fee ndala mny elmara dee bs mafeesh mshakl}
w bshkor kol 2sdeka2na 2lly
ba3atolna emailat w blfaks aw
elsms
w 2d3oooooooooooolly 2nny 2ng7 w ageeb ta2deeeeeeeer
2ntaht 7ala2tna mn yawmyat
momta7en shokran w 2stanoona
el2sboo3 elgy fee nafs elmaw3d
صوت من الاعماق
Post a Comment