العيد

العيد فرحة و حاجة جميلة

لما نلم شمل العيلة

نضحك و ناكل اكلة لذيذة

و تلاقي الناس لسه بخير

................................

لما تركن هم الدنيا

و تفرح و تضحك و لو لثانية

وتفتكر ذكريات حلوة وفانية

صحيتها و لقيتها بخير

...............................

لما تلاقي الدنيا بتضحك

و تلاقي حواليك اصحابك و اهلك

و لما تسمع صوت ضحكك

هتعرف انك..لسه بخير

كل سنة و انتو طيبين عيد سغيد

لمسة تفاؤل

هذه الكلمات جزء من قصيدة للشاعر المبدع فاروق جويدة,شعرت باننا نفتقد للمسة تفاؤل ,ووجدتها هنا ,في هذه الكلمات ,وهاهي بين
ايديكم, ارجو ان تترك اثرا ولو بسيطا مثلما حدث معي


*********************

يا ليل لا تعتب علي اذا رحلت مع النهار

فالنورس الحيران عاد للأرضه.......ماعاد يهفو للبحار

و انامل الأيام يحنو نبضها

حتى دموع الأمس من فرحي..تغار

وفمي تعانقه ابتسامات هجرن العمر حتى انني

ما كنت احسبها.. تحن الى المزار

فالضوء لاح على ظلال العمر فانبثق النهار

****************
يا ليل لا تعتب علي

فلقد نزفت رحيق عمري في يديك

و شعرت بالألم العميق يهزني في راحتيك

و شعرت اني طالما القيت احزاني عليك

الان ارحل عنك في امل... جديد

كم عاشت الامال ترقص في خيالي.. من بعيد

و قضيت عمري كالصغير

يشتاق عيدا ..اي عيد

حتى رأيت القلب ينبض من جديد

.****************
العمر يوم ثم نرحل بعده

ونظل يرهقنا المسير

دعني اعيش ولو ليوم واحد

واحب كالطفل.. الصغير

دعني احس بان عمري

مثل كل الناس يمضي.. كالغدير

دعني احدق في عيون الفجر

يحملني .. الى صبح منير

فلقد سئمت الحزن و الالم المرير

**************
يا ليل ان عاد الصحاب ليسألو عني ...هنا

قل للصحاب بأنني

أصبحت ادرك ....من انا

انا لحظة سأعيشها و احس فيها من انا؟

الفانوس

في الاول احب اعبر

عن كل مواطن مطحون

ياكل و يشرب وهو مكبر

لكل امراض الكون

مرتبه يخلص و عمره ما دبر

و خاف ليقولوا عليه مجنون

عايش طول عمره مأشفر

جوه همومه مسجون

*************

بعد كده بقى نشوف حالنا

مشكلتنا مش في الفلوس

مشاكل كتير بتشغل بالنا

ناكل كافيار ولا موس

وفي واحد كان عايز يشتغلنا

عامل مؤسسة ضد البوس

للأسف هي دي حياتنا

ده مش حلم ده كابوس

محدش فينا عاجبه حاله

محدش وشه بقى بشوش

كل واحد بيقول في باله

ياما نفسي ادعك الفانوس

كم كنا

كم كناصغارا نلهو في هذا المكان,نفس المكان,نفس العنوان, و لكن الحياة ليست هي الحياة, اين نحن الان,كل منا سار في اتجاه,فرقتنا الحياة, يقولون,,,,,,,,,,,,,, هذه هي سنة الحياة, و لكن .... ما اقساها من حياة

.

هذا البيت ,شهد ايام الطفولة الجميلة,شهد احلاماها البريئة, كم كنا نملؤه صخبا و ضجيجا,و نركض في كل اتجاه,كم شهد منا و شهد علينا,,, لم يكن احدا فينا نحن الصغار,يتصور اننا سنفترق,لنصارع في هذه الحياة,و كل منا يذهب في اتجاه

.

و مع ذلك, و بالرغم من ان هذا الماضي "كان" , يظل هذا البيت,دافئا,حانيا علينا بالرغم من قسوة الايام, , يجمعنا اياما معدودة, و لكنها من اجمل الايام,تحي فينا الذكريات,توقظ قلوب بدأت في الجمود,تعيد لها بريق الحياة.

غصب عني

مشغول و لوحدي لاقيتني

و عمايلي نستني احبابي

مهموم وضعفي مجنني

ما انا اقوى باهلي و اصحابي

يمكن لوحدي و مش لوحدي

والناس فاكرني

وسايبني

علشان مايضعش و قتي

ما انا برده بعاني

الدنيا رمتنا في بحر كبير

ولا يوم رستنا

فين البر و فين الغويط

ولا في حالنا سابتنا

كل حاجة بتحصل غصب عننا

يمكن يكون ده سبب ضعفنا

ويمكن عشان دايما بنبقى لوحدنا

اتارينا دايما بنشوف اليأس في حزننا

حوار مع النفس

نفسي ترى ماذا دهاك

لماذا تبكين؟

تبدين غارقة في بحر عميق

او تهوين في بئر سحيق

لم تعودي مثلما كنت

اين انت؟

بحثت عنك

ولم اجد سوى الانين

لم اجد سوى شيء حزين

لم كل هذا الهم؟الا تعلمين؟

لكل هم فرج ولو بعد حين

ولكل ضيق مخرج يأتي باليقين

فلما لا تشرقي

و تري الكون من جديد

انطلقي

ففي الدنيا لا يزال

الكثير و الكثير

لم ينته دورك في الحياة

فانت

توك تبدأين

الرضا

ابويا

شافني في يوم زعلان

قالي ارضى بقليلك

محبط كدة و كسلان

قاللي انت احسن من غيرك

قاللي يا ابني الرضا لمن يرضى

قولت انا لازم اتغير من النهارده

قاللي انت ربنا ادالك نعمة

استعملها و يللا علي الهمة

هاقوله يا ابويا ما تقلقش ابنك سد عالي

و خصوصا انك على قلبي غالي

و كفاية علي ان ابويا و امي على بالي

وده يرضيني

????????????

مش عارف ليه دلوقتي

الوقت مش راضي يعدي

يمكن عشان قاعد لوحدي

مش لاقي حد اكلمه

************

ساكت و هتكلم في ايه

يا دنيا عايزة مني ايه

انا قاعد لوحدي ليه

مين اللي يفهمني و افهمه

****************

الناس ما بتسألش ليه ما انا كتير بسأل عنهم

محدش شاركني همي ليه ما انا بحاول اشيل همومهم

فاكرين نفسهم تعبانين ما انا تعبان اكثر منهم

بس ده قدري و لازم استحمله

**************

يا دنيا ليه مقسيانا

و اغلى الناس منسيانا

و عن كل الناس بعدانا

حتى اللي كنت ارتحت له

*****************

و ارجع و اقول مش عيب الدنيا

العيب يا في الناس يا فيا

برده الوحدة صعبة عليا

وده اللي بحاول استحمله

مين السبب

مين السبب

مين السبب في الضياع
في العذاب
ده مش عتاب
مش حساب
بس ليه مش لاقي نفسي
في قلب مات
مين السبب
نفس الشوارع
نفس المكان
نفس الاسامي عالبيبان
واللي حاصل ان في حاجة غلط
مش همادول بتوع زمان
مين السبب
الناس في حاجة مزعلاها
دي كل حاجة مش عجباها
اللي صحتها مش مساعداها
و اللي فلوسها مش مكفياها
واهو حالنا بيصعب حتى عالزلط
مين السبب
وحشاني نفسي
واحشني صاحبي
وحشوني اهلي
وحشتني قاعدة من غير هموم متلتلة
مين السبب
واتاريني بسأل مين السبب
ولاقتني اني انا السبب
يمكن لاني حابس نفسي
جوا نفسي
من غير سبب
او يمكن اكون قاسي
و احساسي غلط