مش عارف ليه دلوقتي
الوقت مش راضي يعدي
يمكن عشان قاعد لوحدي
مش لاقي حد اكلمه
************
ساكت و هتكلم في ايه
يا دنيا عايزة مني ايه
انا قاعد لوحدي ليه
مين اللي يفهمني و افهمه
****************
الناس ما بتسألش ليه ما انا كتير بسأل عنهم
محدش شاركني همي ليه ما انا بحاول اشيل همومهم
فاكرين نفسهم تعبانين ما انا تعبان اكثر منهم
بس ده قدري و لازم استحمله
**************
يا دنيا ليه مقسيانا
و اغلى الناس منسيانا
و عن كل الناس بعدانا
حتى اللي كنت ارتحت له
*****************
و ارجع و اقول مش عيب الدنيا
العيب يا في الناس يا فيا
برده الوحدة صعبة عليا
وده اللي بحاول استحمله
5 comments:
جميلة اوي يا بودا
بس ليه الحزن ده؟دور أكيد هتلاقي اللي يفهمك و يحس بيك و يسمعك ويشاركك همومك ويخفف عنك,اكيد ان شاء الله هتلاقي ويمكن يكون قريب اوي منك بس انت مش واخد بالك ولازم تقرب عشان يقرب
ربنا ينور بصيرتك و يكشف عنك الهم و الحزن امين
بودا باشا،
نامبر واحد...
مبروك المدونة و لو إنها متأخرة شوية...
نامبر اتنين..
أنا مندهش.. منبهر بجد... منفهش فعلا.. ما شاء الله... عندك موهبة جميلة قوي، و إحساس راقي قوي... و جواك روح نبيلة فعلا...بوركت
نامبر تلاتة..
الناس ساعات كتير مش بتلاقيها حواليك رغم إنك كنت معاهم علي طول... ساعتها يمكن الواحد لو أخد ثانية و فكر.. ممكن يلاقي إنه محتاج ده لمدة صغيرة عشان يفكر في حاجات كتير..يعيد النظر في حياته يعني..
و يمكن حاجة تانية تكون السبب.. ممكن تكون رسالة للواحد زي ما بيحصل مع الناس كلها... لما الواحد بتاخده الدنيا و ينسي نفسه و يغرق فيها... ساعات ربنابيبعتله رسالة.. إنك لازم ترجع تفتكرني.. تدعي و تطلب مني.. تعيش تاني معايا بعد ما بقيت بعيد...
تبسم
فإن هناك من يحبك
يعتني بك
يرعاك
ما منعك إلا ليعطيك
و ما اشقاك إلا ليسعدك
و لربما اشتاق إلي قربك و دعائك!
ربنا يكرمك إن شاء الله و يكتب لك السعادة في الدارين و حسن الصحبة في الدنيا و صحبة النبي و صحابته في الآخرة.
أنا افتكرت الشاعر لما قال
إذا ضاقت بك الدنيا ففكر فى ألم نشرح
فعسر بين يسرين إذا فكرت بها تفرح!!
هو كزجل جميل ما شاء الله، و بجد حلو أوى، بس حزين اوى...
ربنا يفرج عنك و يعطيك ما تتمنى...آمين
" ويمكن يكون قريب اوي منك بس انت مش واخد بالك ولازم تقرب عشان يقرب"
ايه الحكم دى يا ضى الليل :)))
thank u alll bgd ana sa3eed gdn w special welcome 3amr nawrtna w ya rab elkalam daymn ynal 23gabkom w y2asar feena kolna 3shan 3la el2a2al
lw ma3'ayarsh feya y3'ayar fee 7ad m7tago w y2adro
thank u all again
Post a Comment