في الاول احب اعبر
عن كل مواطن مطحون
ياكل و يشرب وهو مكبر
لكل امراض الكون
مرتبه يخلص و عمره ما دبر
و خاف ليقولوا عليه مجنون
عايش طول عمره مأشفر
جوه همومه مسجون
*************
بعد كده بقى نشوف حالنا
مشكلتنا مش في الفلوس
مشاكل كتير بتشغل بالنا
ناكل كافيار ولا موس
وفي واحد كان عايز يشتغلنا
عامل مؤسسة ضد البوس
للأسف هي دي حياتنا
ده مش حلم ده كابوس
محدش فينا عاجبه حاله
محدش وشه بقى بشوش
كل واحد بيقول في باله
ياما نفسي ادعك الفانوس
3 comments:
ايه ياابني التفاؤل ده؟احنا مش اتفقنا نبقى متفائلين شوية يا بودا,هي جميلة اوي وحاسيت انك كتبتها من قلب الشارع المصري فعلا الجزء الاول على وجه الخصوص, انا بجد نفسي نتفائل شوية و نخرج من حالة الأكتئاب دي,ايه رائيك يا سيد بودا؟
اه كله تعبان و كله شقيان
و ما فى حد فايق يشوف حاله
كله محتاس و كله بينداس
و ما فى حد قادر يشكى حاله
لو كله معذرش كله
الدنيا تقلب غابة
لو محدش خلى قلبه
واحة للناس أو سحابة
كله راح ياكل فى كله
و نصير كلنا ديابة
ادى الزمن و ادى حالنا
ما بتجنى إلا بتطرحه
سنة ربنا علمهالنا
ازرع حبة حب، حبة مودة
تحصد قلوب الناس...و ساعتها تصير الغابة جنة!!!
روووووعة يا بودا بس يا ريت تنظر للدنيا بمنظور إيجابى شوية :)))
عندى اقتراح يعنى معرفش انت ايه رأيك...ايه رأيك لو خليتها
تعالى معايا نشوف حالنا
مشكلتنا مش فلوس
و بجد انت جاااااامد اوييييييييييى :)))
في الواقع بالنسبة للتفاؤل
ادعولي
اما بالنسبة للايجابية
فهي بالافعال مش بالكلام
و بجد جزاكم الله خيرا علي رفع المعنويات
و اراكم قريبا ان شاء الله
Post a Comment